![Loading Programa](https://letrasyfutbol.com/wp-content/plugins/the-events-calendar/src/resources/images/tribe-loading.gif)
- This evento has passed.
Saber y Empatar / Julián López-ekin
19 martxoa / 19:00
![](https://letrasyfutbol.com/wp-content/uploads/2024/03/SABER_Y_EMPATAR_BYW.jpg)
SABER Y EMPATAR futboleko ezagutza absurdoa oparitzen dizun kanala da. Baloiaren eta bere ingurukoen inguruko elkarrizketak Miguel Gutiérrez, Antonio Pacheco eta Carlos Marañónen eskutik. Vintage futbola eta gaurko idoloak, jokalari bibotedunak, kromoak, kamiseta absurduak, talde tamalgarriak, fitxaketa etsigarriak. Konplexurik gabeko futbola, Munduko Txapelketetatik Infrafutbolera, ezagun den edo ezagutzea merezi duen gonbidatuekin batera.
Abentura honen jatorria Saber y Empatar. Compendio de conocimiento absurdo sobre fútbol (a día de hoy) (Editorial Córner, 2020), Gutiérrez eta Pachecok idatzia eta Marañonen hitzaurrearekin, Lawertaren ilustrazioekin batera. 2021az geroztik, programa astero emititzen da YouTuben eta Podcasteko plataforma nagusietan.
Carlos Marañon futbolarien semea, iloba, biloba eta aita da, kazetaria, zinema kritikaria eta idazlea da eta 2008az geroztik, Cinemania aldizkariko kazetaritzako zuzendaria. 1974an Bartzelonan jaioa, Zuzenbidean lizentziatua da Bartzelonako Unibertsitatean eta Kazetaritzan Nafarroako Unibertsitatean. Jaiotzez perikoa eta RCD Espanyoleko harrobiko futbolari ohia da, hainbat komunikabiderekin kolaboratzen du (AS, Cadena Ser, Movistar +) eta liburu hauen egilea da: Barullo en el área, El fútbol en 50 películas fundamentales. Fútbol y cine. El balompié en la gran pantalla (Ed. 8 y Medio), Un partido de leyenda (8 y medio) eta C.D. Erri-Berri. 75 años de historia (Sergio Amadoz, Ed. Txalaparta). Zineari eta futbolari buruzko monografia eta liburu kolektiboetan ere parte hartu du, eta Galder Reguerarekin batera idatzi zuen Quedará la ilusión epistolarioa. Korrespondentzia bat Errusiako Mundialean (KO liburuak).
Txikitatik erakutsi zuen Antonio Pachecok (Madril, 1969) bere sormena, baina daltonikoa zenez, bere talentua idaztera bideratu zuen. Muga hori gorabehera, nazioartean sarituenak izan diren espainiar publizitate-sortzaileetako bat izan da, Proximity, McCann eta Manifiesto bezalako agentziak zuzenduz, eta Coca-Cola, Ikea eta Mercedes-Benz markentzako kanpainak sortuz, Real Madril bereziki azpimarratuz. Gainera, sormen-irakaslea da Madrilgo Carlos III.a Unibertsitatean eta Barcelona School of Creativityn. Futbolarekiko eta saskibaloiarekiko duen grinak kirol horien inguruko absurdoari buruzko hiru liburu idaztera eraman du: “La Pitipedia”, “Zidanes y Cargoles” eta “Saber y Empatar”.
1977an Madrilen jaioa, Miguel Gutiérrez prentsa sektorialean eta ekonomikoan hasi zen lanean, DNAko kirolaz arduratu aurretik. Sportyou egunkarian hamabi urtez erredaktore-buru izan zen. 2004an La Libreta de Van Gaal sortu zuen, marka pertsonal horrekin Onda Cero, El Confidencial eta, gaur egun, Radio Marca eta Jot Down Sport irratietan kolaboratzen du. Frases de fútbol (2011), Parecía un buen fichaje (2013) eta Saber y empatar (2020) liburuak argitaratu ditu, guztiak Córner argitaletxean. 2019tik komunikazio korporatibo eta instituzionalean dihardu. Kazetari ona denez, objektiboa da eta ez du talderik (kar-kar).
2.500 biztanle baino ez dituen El Provencio herrian jaioa, Julián Lópezek beti izan du Athletic Clubarekiko zaletasun handia, eta gure erakundearekiko familia-herentziaren istorio maitagarri horietako bat marrazten du. Aktore, musikari eta idazlea, La hora chanante (2002-2006) eta Muchachada nui (2007-2010) mitikoetan hasi zuen bere ibilbidea. Aktore gisa honako film hauetan parte hartu du: Spanish movie (2009), Pagafantas (2009), Que se mueran los feos (2010), No controles (2010), Torrente 5: operación Eurovegas (2014), Perdiendo el norte (2015), Fe de etarras (2017), La tribu (2018), Superlópez (2018), Operación Camarón (2021) edo Ocho apellidos marroquíes (2023). Planetario (2021) eleberriaren egilea da, eta Athletic Cluben 125. urteurrenaren enbaxadore harroa