TOGO
Laguardiako futbolariaren bizitzaren pasarteak kontatzen dira, kadete mailan hasi zenetik zuri-gorri gisa egindako lehen denboraldietara arte. Horrekin tartekatuz, 2010eko udan egindako bidaia berezi baten inguruko xehetasunak kontatzen ditu. Togora joan zen bidaia hartan, Afrikara.
Óscar de Marcos
Oscar de Marcos (Laguardia, 1989). 2009an egin zuen debuta, eta hamasei denboraldiz jokatu du Athleticen. Ia 600 partida bizkarrean dituela, De Marcos Athleticen historian partida ofizial gehien jokatu dituen bigarren jokalaria da, Iribarren atzetik, eta Europan parte-hartze gehien izan dituen jokalaria. Posizio gehien bete dituen jokalaria da, segur aski; defentsan zein erasoan aritu da, eta balioaniztasun horrek, ziurrenik, zerikusia izango du bere bertute handienetako batekin: talde-jokoari ematen dion garrantzia. Besteen lekuan jartzeko eta horren arabera jokatzeko daukan gaitasuna argi geratu da idazle moduan egindako lanean ere.